Lubbi Klettaskáld

29.10.05

elsku netið!

helvítis netið datt út þegar ég var búinn að gera færslu þannig að það tókst ekki...
í stuttu máli sagðist ég vera að fara í innflutningspartý í kvöld til estherar... ætla að drekka freyðivín...
sorry hvað þetta er leiðinleg færsla... hin var betri.

don´t blame it on sunshine
don´t blame it on the moonlight
don´t blame it on good times
blame it on the internet!

Bj�rgvin skráði þetta klukkan 10/29/2005

28.10.05

Björgvin í þágufalli

fyrir örfáum mínútum síðan gerði ég eina mestu uppgötvun á minni "stuttu" ævi. ég hef beygt nafn mitt vitlaust í öll þessi ár. maður segir víst frá björgvin en ekki frá björgvini... segir maður þá ég fékk bréf frá vin mínum??? manni er bara spurn!!
það var helvítið hann bergvin sem leiddi mig í sannleikan um þetta með því að sýna mér síðuna mannanofn.com. endilega segið mér að þetta sé kjaftæðissíða rekin af mongólskum innflytjanda.

ég er farinn heim að hringja í mömmu og athuga hvort ég sé virkilega sonur foreldra minna og hvort að tunglið sé í alvöru úr osti.

Bj�rgvin skráði þetta klukkan 10/28/2005

27.10.05

samviskusami samverjinn

í dag gekk ég fram á lítinn gsm-síma. þetta gerðist er ég gekk í hægðum mínum frá háskólabíó þar sem ég hafði verið í tíma og á leið í odda sem er eitt af fjölmörgum húsum háskólans. eigandi símans var hvergi sjáanlegur en er ég leit í kringum mig var mér það full ljóst að árekstur hafði átt sér stað fyrir framan mig. þar sem ég hef alltaf haft gaman af glæpaþáttum og spæjarasögum ýmiskonar datt mér strax í hug að síminn gæti tengst téðum árekstri. það reyndist rétt en þó ekki eins og ég hafði búist við. segja má að síminn tengdist slysinu óbeint. þar sem ég er svo óskaplega vel upp alinn gekk ég þungum skrefum í átt að lögreglumönnum sem stóðu við annan bílinn sem lent hafði í árekstrinum. hjá þeim stóð einnig maður sem kom á staðinn til að draga bílana í burtu. það var einmitt sá maður sem átti þennan forláta síma. þeir þökkuðu kærlega fyrir drengskapinn og gekk ég á vit nýrra ævintýra, með bros á vör og góðborgarahroll.

í stuttu máli þá fann ég gemsa rétt hjá bílum sem lentu í árekstri við háskólabíó og fann eigandann sem var að vinna við að draga bílana í burtu.

Bj�rgvin skráði þetta klukkan 10/27/2005

26.10.05

ég og allt þetta fræga fólk

þar sem ég sit hér á ákv. kaffihúsi niðrí bæ með söngvara sigur rósar, jónsa skáhalt á móti mér er mér litið út um sama glugga og um daginn er björk guðmundsdóttir valhoppaði framhjá. ég hugsaði um hitt kaffihúsið sem ég kíki oft á og drekk kaffi með þekktum leikurum á borð við elmu lísu og selmu björns og stöku sinnum hilmir snær. það var einmitt þar sem ugla egilssdóttir hellti bjór yfir mig eftir landsfund ungra vinstri grænna fyrir það eitt að vera fyndinn en hún á víst svo bágt, er með einhverja tegund af tourette.
er ég lít út hugsa ég einnig um kuldann sem úti er og sé fyrir mér félaga minn bobby fisher sem hlýjaði sér á þessu kaffihúsi um daginn með kaffibolla í hönd sem ekki mátti innihalda örðu af sykri. ég brosi er ég hugsa um þennan skrítna skáksnilling.
brátt mun ég halda heim á leið og hver veit nema ég mæti davíð þ. jónssyni, radíusbróður eins og um daginn. já það er ljúft fyrir smásál að búa í miðbænum!

Bj�rgvin skráði þetta klukkan 10/26/2005

hnífa og skæraskerping

ein frumlegasta verslun veraldar er að finna á hverfisgötunni en hún ber heitið hnífa og skæraskerping. mín kenning er sú að verslunin hafi verið stofnuð ca 1955 og slegið rækilega í gegn á því ári og gengið ágætlega í ca 5 ár en þá hafi hnífabrýnirinn komið til sögunnar og litla búðin á hverfisgötunni hafi nánast farið á hausinn. í nokkur ár hefur eigandinn sem var vinafár og ógiftur haldið búðinni opinni með ansi lélegum árangri en síðan látist bakvið búðarborðið en þar sem enginn verslaði þar lengur fannst lík hans ekki og hefur ekki fundist enn. búðin stendur ennþá opin og bíður eftir bitlausum viðskiptavini.
ég er nokkuð viss um að fleiri en ég sjái þessa verslun... ég vona það að minnsta kosti.

Bj�rgvin skráði þetta klukkan 10/26/2005

24.10.05

nýtt blogg!!

nýlega opnaði glæný undurfögur bloggsíða fyrir austan fjall... réttara sagt á egilsstöðum. það er hin heilaga þrenning, andri (bósi ljósár), robbi frændi hans og sigurður, stundum kendur en líka stundum kendur við póní... sem sagt, vitleysingar á ferð, allir að skoða þessa síðu!

Bj�rgvin skráði þetta klukkan 10/24/2005